നിലമ്പൂർ: ഐപിസി മലബാർ മേഖലയുടെ ആഭിമുഖ്യത്തിൽ പാസ്റ്റേഴ്സ് ഫാമിലി കോൺഫ്രസ് മാർച്ച് 6,7 തീയ്യതികളിൽ നിലമ്പൂർ പാലുണ്ട ന്യൂ ഹോപ്പ് ബൈബിൾ കോളേജിൽ നടക്കും. മലബാർ മേഖലാ രക്ഷാധികാരി പാസ്റ്റർ വി.ജെ.ജോർജ് ഉദ്ഘാടനം നിർവഹിക്കുന്ന കോൺഫ്രൻസിൽ റവ.ഡോ.വൽസൺ എബ്രഹാം, ഐപിസി ജനറൽ ആക്ടിംഗ് സെക്രട്ടറി പാസ്റ്റർ സാം ജോർജ് എന്നിവർ മുഖ്യ വചനശുശ്രൂഷ നിർവഹിക്കും. മേഖലാ പ്രസിഡണ്ട് പാസ്റ്റർ ജോൺ ജോർജ് അധ്യക്ഷത വഹിക്കും. "മലബാറിലെ സുവിശേഷികരണവും വെല്ലുവിളികളും" എന്ന വിഷയത്തെ ആസ്പദമാക്കി ചർച്ചക്ലാസുകളും സിമ്പോസിയവും നടക്കും. കൌൺസിലിങ്ങ്, ബൈബിൾ ക്ലാസ്സ് എന്നിവും കോൺഫ്രസിൻറെ ഭാഗമായി നടക്കും. മലബാറിലെ 32 സെൻററുകളിൽ നിന്ന് ശുശ്രൂഷകൻമാരും സെൻറർ ശുശ്രൂഷകൻമാരുമടക്കം അറുനൂറോളം(600) പേർ പങ്കെടുക്കും.മേഖലാ പ്രസിഡണ്ട് പാസ്റ്റർ ജോൺ ജോർജ്, സെക്രട്ടറി പാസ്റ്റർ സാം ദാനിയേൽ, പാസ്റ്റർമാരായ എം.വി.മത്തായി, സണ്ണി ജോർജ്, കെ.സി.ഉമ്മൻ, മാത്യു തോമസ്, ജോയി ഗീവറുഗീസ്,ബാബു മഞ്ചേരി സഹോദരന്മാരായ സജി മത്തായി കാതേട്ട്, ജയിംസ് വർക്കി, വി.എസ്. ചാക്കോ, ജോർജ് തോമസ് തുടങ്ങിയവർ നേതൃത്വം നൽകും. സാം കൊണ്ടാഴി(മേഖലാ ജോ.സെക്രട്ടറി)