എറണാകുളം: അര നൂറ്റാണ്ട് കാലത്തെ മികച്ച മാധ്യമ പ്രവർത്തനത്തിനു ഐ.പി.സി നല്കിയ മാധ്യമ പുരസ്ക്കാരം തോമസ് വടക്കേക്കുറ്റ് ഏറ്റുവാങ്ങി.
കർമ്മം കൊണ്ട് എറണാകുളത്തിന്റെ നിറസാന്നിദ്ധ്യമായ തോമസ് വടക്കേക്കുറ്റിന് തന്റെ പ്രിയപ്പെട്ടവരുടെ മുന്നിൽ ആദരിക്കപ്പെട്ടപ്പോൾ സദസ് നീണ്ട കരഘോഷങ്ങളാൽ സ്നേഹവായ്പ്പുകൾ പകർന്നു. ആത്മീയ നേതൃത്വത്തിലേക്ക് ചവിട്ടികയറാൻ ഒപ്പമുണ്ടായിരുന്ന വളഞ്ഞമ്പലം ഐ.പി.സി സഭാ വേദിയിൽ നിന്നും ശാരീരിക ക്ലേശങ്ങൾ മറന്ന് ഐ.പി.സി ഗ്ലോബൽ മീഡിയ അസോസിയേഷൻ നല്കിയ പുരസ്കാരം ഏറ്റുവാങ്ങുമ്പോൾ അതു പ്രിയപ്പെട്ടവർ നല്കിയ സ്നേഹചാർത്തായി.
ചെയർമാൻ സി.വി.മാത്യു പുരസ്കാരവും പാസ്റ്റർ അച്ചൻ കുഞ്ഞ് ഇലന്തൂർ പ്രശസ്തി പത്രവും നല്കി. ജനറൽ കോർഡിനേറ്റർ ടോണി ഡി. ചെവ്വൂക്കാരൻ അവാർഡ് ജേതാവിനെ പരിചയപ്പെടുത്തി.പാസ്റ്റർ സി.പി.മോനായി പ്രശസ്തി പത്രം വായിച്ചു. പാസ്റ്റർ സണ്ണി അലക്സാണ്ടർ അനുഗ്രഹ പ്രാർത്ഥന നടത്തി. ടി.എം.മാത്യു, ഡോ.ജോൺ ജോസഫ്, ഐസക്, എന്നിവർ ആശംസകൾ നേർന്നു.
ജനറൽ സെക്രട്ടറി സജി മത്തായി കാതേട്ട് ക്രമീകരണകൾക്ക് നേതൃത്വം നല്കി.