നിലമ്പൂർ: ഐ.പി.സി. മലബാർ മേഖലയുടെ മിഷൻ ഡയറക്ടർമാരായി ഡോ. ജോയി ഏബ്രഹാമും ഡോ.വിൽസൺ വർക്കിയും ചുമതലയേറ്റു.
മലബാറിൽ 34 സെൻററുകളിലായി 534 സഭകളാണ് ഐ.പി സിക്ക് ഉള്ളത്.ഇതിൽ 238 സഭകൾ വാടക കെട്ടിടത്തിലാണ് പ്രവർത്തിക്കുന്നത്. യാതൊരു വിധ സാമ്പത്തികസഹായങ്ങളൊന്നുമില്ലാതെ നൂറ്റമ്പത് സഭകൾ പ്രവർത്തിക്കുന്നു .34 പഞ്ചായത്തുകളിൽ പെന്തെക്കോസ്തു കൂട്ടായ്മകളൊന്നും ഇല്ല. നിലവിൽമലബാറിൽ ചില സെന്റെറുകളെ സഹായിക്കുന്നത് ഹൂസ്റ്റൺ, ഡാളസ്, കുവൈറ്റ്, മറ്റു വ്യക്തിപരമായ സഹായങ്ങളുമാണ് ലഭിക്കുന്നത്.
മലബാറിലെസുവിശേഷ മുന്നേറ്റത്തിനായി മറ്റു മിഷൻ ഡയറക്ടർമാരെയും നിയമിക്കുന്നതിനായിമലബാർ മേഖല തീരുമാനിച്ചതായി മേഖല സെക്രട്ടറി പാസ്റ്റർ ബിജോയ് കുര്യാക്കോസ്പറഞ്ഞു. ഈ വർഷംപുതിയതായി ആരംഭിക്കുന്ന 50 പ്രവർത്തനമേഖലകൾക്ക്ഇരുവരും നേതൃത്വം നല്കും.
തൃശുർ സ്വദേശിയായ ഡോ. ജോയി ഏബ്രഹാം മികച്ച വേദ അദ്ധ്യാപകനും പ്രസംഗകനും സംഘാടകനുമാണ്.അമേരിക്കയിലെഒർലാൻറോ ക്രിസ്ത്യൻ അസംബ്ലിയുടെ സീനിയർ പാസ്റ്ററായ ഡോ. ജോയ് എബ്രഹാംപിസിനാക്ക് നാഷണൽകൺവീനർ, ഐ.പി.സി.നോർത്ത് അമേരിക്കൻ സൗത്ത് ഈസ്റ്റ്റീജിയൻ പ്രസിഡണ്ട്,പി.വൈ.പി.എ കേരളാ സ്റ്റേറ്റ് വൈസ് പ്രസിഡണ്ട്, എന്നീനിലകളിൽ പ്രവർത്തിച്ചിട്ടുണ്ട്.
മലപ്പുറം സ്വദേശിയായ ഡോ. വിൽസൺ വർക്കി വിവിധ സെമിനാരികളിൽ വേദ അദ്ധ്യാപകനാണ്. കോട്ടയം ഐ.പി.സി നെമിനാരിയിൽ അക്കാദമിക് ഡീനായി സേവനം അനുഷ്ഠിച്ചിട്ടുണ്ട്. ഇപ്പോൾ ന്യൂയോർക്കിലുള്ള ഇന്ത്യാ ക്രിസ്ത്യൻ അസംബ്ലിയിൽ സീനിയർ പാസ്റ്ററായി പ്രവർത്തിക്കുന്നു.
ഡോ.വിൽസൺ വർക്കി
